"Ukraynanın kənd təsərrüfatına ciddi zərbə dəyib" - Britaniya kəşfiyyatı

 10:01 26.04.2022     690

“Rusiyanın Ukraynanı işğal etməsi nəticəsində ölkənin kənd təsərrüfatına ciddi zərbə dəyib”.

Redaktor.az “Ukrinform”a istinadən xəbər verir ki, bu barədə Böyük Britaniyanın Müdafiə Nazirliyinin Kəşfiyyat İdarəsi məlumat yayıb.

“Kənd təsərrüfatına yararlı sahələrin azalması səbəbindən taxıl istehsalı ötən ilə nisbətən təxminən 20 faiz aşağı olacaq. Ukrayna kənd təsərrüfatı məhsullarının istehsalı və ixracına görə dünyada dördüncü yerdədir. Ukraynadan taxıl tədarükünün azalması inflyasiyaya səbəb olacaq. Beləliklə, taxıl bahalaşacaq. Taxılın yüksək qiymətləri qlobal ərzaq bazarlarına ciddi təsir göstərə bilər. Bu, xüsusilə iqtisadi cəhətdən zəif inkişaf etmiş bəzi ölkələrdə qlobal ərzaq təhlükəsizliyini təhdid edə bilər”, - hesabatda deyilir.

Qeyd edək ki, daha əvvəl BMT-də Ukraynadakı müharibənin dünyada aclığa səbəb ola biləcəyinə dair xəbərdarlıq etmişdi.