"Ukraynaya 5 milyard dollar məbləğində hərbi yardım toplanıb"

 15:06 26.04.2022     146

ABŞ-ın Almaniyanın Ramştayn hərbi bazasında keçirilən toplantıda tərəfkeş ölkələr Ukraynaya hərbi yardım məqsədilə 5 milyard dollar toplayıb".

Redaktor.az “dw”yə istinadən xəbər verir ki, bunu ABŞ-ın müdafiə naziri Lloyd Ostin bildirib.

“Sizin müqavimətiniz azad dünyaya ilham verdi”, - Pentaqonun başçısı Ukraynanın müdafiə naziri Oleksey Reznikova müraciət edərək deyib.

Lloyd Ostinin sözlərinə görə, öz ölkəsi uğrunda mübarizə aparan Kiyevin dəstəklənməsi sürətlə artır. O vurğulayıb ki, toplanan 5 milyard dolların 3,7 milyardını ABŞ administrasiyası ayırıb.

Qeyd edək ki, NATO-ya üzv dövlətlərdə daxil olmaqla 40-dan artıq ölkənin müdafiə nazirlərinin Ramştaynda toplantısı keçirilir. Ukraynaya yardım yığıncağın əsas mövzusudur.