“Ukraynanın məqsədi Gürcüstanla Moldovada yeni cəbhələr açmaqdır” - İrakli Qaribaşvili

 23:54 27.04.2022     223

“Ukrayna rəsmilərinin məqsədi Gürcüstan və Moldovada yeni cəbhələr açmaqdır”.

Redaktor.az  xarici KİV-ə istinadən xəbər verir ki, bunu Gürcüstanın Baş naziri İrakli Qaribaşvili Ukraynadakı son hadisələri dəyərləndirərkən deyib.

Ukraynanın Tbilisidəki səfirinin Rusiyaya qarşı sanksiya tətbiq etməyən Gürcüstandan geri çağırıldığını xatırladan Qaribaşvili Kiyev tərəfinin bundan sonra da Gürcüstana qarşı əsassız ittihamlar irəli sürdüyünü bildirib.

"Səfirin geri çağırılması ilə bağlı tamamilə ədalətsiz qərarı xatırlayırsınızmı? Sonra süd, pendir, buğda ilə bağlı əsassız ittihamlar eşitdik. Üstəlik, Ukraynanın yüksək səviyyəli rəsmilərinin məqsədi Moldova və Gürcüstanda ikinci cəbhə açmaqdır”, - deyə nazir əlavə edib.