Rusiyalı hərbçilər təslim olmuş ukraynalı əsgərləri edam etdilər

 11:57 28.04.2022     548

ABŞ rusiyalı hərbçilərin Donetsk vilayətində təslim olmaq istəyən ukraynalıları edam etmələri ilə bağlı etibarlı məlumat əldə edib.

Redaktor.az Pravda Ukrainı-ə istinadən xəbər verir ki, bu barədə ABŞ-ın beynəlxalq ədalət üzrə xüsusi nümayəndəsi Bet Van Şaak BMT-nin iclasında bəyan edib.

“Hazırda bizdə etibarlı məlumat var ki, Donetsk yaxınlığında fəaliyyət göstərən Rusiya hərbi birləşmələri təslim olmaq istəyən hərbçiləri tutmaq əvəzinə, edam ediblər”, - deyə o bildirib.

O, doğru olacağı təqdirdə bunun müharibə qanununun əsas prinsipinin (hansı ki, təslim olmuş mülki şəxsin və döyüşçünün özbaşına edam edilməsini, yaralamağı və əlil etməyi qadağan edir) pozulması adlandırıb.