"Hələ liderlərin görüşünün vaxtı deyil" - Podolyak
Ukrayna Prezident Ofisinin rəhbərinin müşaviri Mixaylo Podolyak Rusiya və Ukrayna liderlərinin ehtimal olunan görüşünü şərh edib.
Redaktor.az UNIAN-a istinadən xəbər verir ki, o, bu barədə “Azadlıq” radiosuna müsahibəsində danışıb.
“Bunun bu gün, sabah və ya o biri gün ola biləcəyini düşünmürəm. Təəssüf ki, bir az gözləmək lazımdır. Onlar görüşəcəklər. Amma, yəqin ki, bu, bir az gec olacaq”, - o bildirib.
Podolyak söyləyib ki, onlar görüşədək Ukraynanın mövqeyinin daha güclü olmasını istəyirlər:
“Müqavilə sənədində bütün məqamlar, o cümlədən atəşkəs, rus qoşunlarının Ukrayna ərazisinən çıxması, əsirlərin dəyişdirilməsi kimi məsələlər ehtiva olunmalıdır. Elə “qırmızı xətlər” olmalıdır ki, Rusiya bir daha Ukrayna ərazisinə daxil ola bilməsin”.
Bizi Telegram-da izləyin...
