Ermənistanda kütləvi iğtişaşlar OLACAQ

 15:32 30.04.2022     530

Ermənistan Milli Təhlükəsizlik Xidməti (MTX) müxalifət partiyalarının etirazları fonunda respublikada kütləvi iğtişaşlar təhlükəsi barədə məlumat yayıb.

Redaktor.az TASS-a istinadən xəbər verir ki, bu gün Ermənistan MTX-nın mətbuat xidməti ölkə vətəndaşlarına ünvanlanmış məlumat yayıb.

Məlumatda bildirilir ki, hazırda Ermənistanda kütləvi iğtişaşların təşkili və keçirilməsi ilə bağlı real təhlükə mövcuddur.

“Bununla əlaqədar olaraq sizi baş verə biləcək təxribatlara uymamağa, yüksək vətəndaş məsuliyyəti nümayiş etdirməyə, nifrət, düşmənçilik yaradan yolverilməz addımlardan çəkinməyə çağırırıq”, - məlumatda qeyd olunub.