Miqrantları daşıyan qayıq aşdı - 44 nəfər öldü

Mərakeşdə Qərbi Sahara sahillərində Avropaya getməyə çalışan miqrantları daşıyan qayıq aşıb. 

Redaktor.az xəbər verir ki, bu barədə AFP agentliyi məlumat yayıb.

Hadisə nəticəsində ən azı 44 nəfər həlak olub. Qayıqda olanlardan 12-nin xilas edildiyi bildirilir.

Məlumata görə, xilasedicilər 7 nəfərin cəsədini sudan çıxara bilib, qalanlarını tapmaq mümkün olmayıb. Hadisə zamanı sağ qalan 12 nəfərin həbs edildiyi deyilir.