Ərdoğan NATO-nu tənqid etdi: "Təbəssümlə izləyirik"
“Duruşumuzu həmişə qoruyacağıq. Atdığımız hər addım kimi, xaricdəki bütün siyasətimizi bu anlayışla tətbiq edirik”.
Redaktor.az-ın məlumatına görə, bunu Türkiyə Prezidenti Rəcəb Tayyib Ərdoğan söyləyib.
“Balkanlardan Afrikayadək, hər yerdə olduğu kimi, Suriyada, İraqda, Liviyada, Şərqi Aralıq dənizində, Qarabağda, Ukraynadakı böhranlarda da həmişə bu yanaşma ilə hərəkət etmişik, hərəkət edəcəyik”, - deyə Türkiyə lideri bildirib.
Ərdoğan NATO-nun fəaliyyətinə də toxunaraq vurğulayıb ki, indi Alyans müxtəlif vasitələrlə Şərq sərhədlərini gücləndirməyə çalışır.
“Ukrayna böhranının ardından atılan addımları təbəssümlə izləyirik. Çünki biz illərlə NATO müttəfiqi olaraq belə mənzərə ilə qarşılaşmadıq. Bizim uzun illər NATO-dan yeganə istəyimiz Türkiyənin də öz sərhədlərini müdafiə etməsinə eyni münasibət göstərməsi idi. Biz sərhədlərimizi terrorçulardan qorumaq istəyirik. Amma, demək olar, bu məsələyə heç bir müttəfiqimiz istədiyimiz münasibəti göstərmədi”, - deyə dövlət başçısı bildirib.
Bizi Telegram-da izləyin...
