Rövşən Əsgərovun həbsinə QƏRAR VERİLDİ
Rusiya məhkəməsi "Nə? Harada? Nə vaxt?" intellektual oyununun azərbaycanlı iştirakçısı Rövşən Əsgərovu qiyabi olaraq həbs edib.
Redaktor.az TASS-a istinadən xəbər verir ki, bu barədə Moskvanın Basman rayon məhkəməsi qərar qəbul edib.
Qərara əsasən, R.Əsgərov barəsində ekstradisiya olunacağı təqdirdə iki ay müddətinə həbs-qətimkan tədbiri seçilib.
Rusiya İstintaq Komitəsinin Baş İstintaq İdarəsi aprelin 27-də R.Əsgərov barəsində nasizmin reabilitasiyası maddəsi ilə cinayət işi açıb, mayın 11-də axtarış elan olunub.
İttihamda qeyd olunub ki, R.Əsgərov özünə məxsus "Facebook" səhifəsində Sovet İttifaqının marşalı Georgi Jukovun xatirəsini təhqir edən məlumatlar yayıb.
Bizi Telegram-da izləyin...
