Qazaxların 74.8 faizi referendumda "hə" dedi

 23:10 05.06.2022     186

Bu gün Qazaxıstanda keçirilən referendumda "exit-poll" nəticələri açıqlanıb.

Redaktor.az xəbər verir ki, sorğu İctimai Rəy İnstitutu tərəfindən aparılıb.

Nəticələrə əsasən, seçicilərin 74,8 faizi konstitusiyaya dəyişikliklərin lehinə, 25,2 faizi isə əleyhinə səs verib.

Qeyd edək ki, referendumda konstitusiyaya 33 dəyişiklik səsə qoyulub. Ümumilikdə, dəyişikliklər Qazaxıstan konstitusiyasının üçdə birinə əhatə edir. Ölkənin əsas qanununa edilən dəyişikliklər prezident üçün bir sıra məhdudiyyətləri nəzərdə tutur. Belə ki, bir nəfər ardıcıl iki dəfədən artıq prezident seçilə bilməyəcək və səlahiyyət müddəti ərzində partiya mənsubiyyəti olmayacaq. 

Bundan başqa, prezidentin qohumları dövlət strukturlarında rəhbər vəzifələr tuta bilməyəcəklər. Həmçinin Qazaxıstanın ilk prezidenti Nursultan Nazarbayevin adı konstitusiyanın mətnindən çıxarılacaq.