Ankaradan İsveç və Finlandiyanın NATO-ya üzv olması üçün 10 ŞƏRT

 16:22 08.06.2022     193

Mayın 25-də Ankarada keçirilən danışıqlar prosesi çərçivəsində İsveç və Finlandiyanın nümayəndələrinə tələblər paketi təqdim edilib. 

Redaktor.az TASS-a istinadla xəbər verir ki, Ankara Stokholm və Helsinki qarşısında 10 şərt irəli sürüb ki, bu şərtlərin yerinə yetirilməsi Türkiyə hakimiyyətini İsveç və Finlandiyanın NATO-ya üzvlüyünə münasibətinə yenidən baxmağa vadar edə bilər.

Hər iki ölkə terror təşkilatlarına qarşı mübarizədə Ankaraya dəstəyini bəyan etməli və müvafiq qanunvericilik aktlarını qəbul etməlidir. İsveç və Finlandiya öz ərazilərində Türkiyədə qadağan olunmuş PKK ilə əlaqəli bütün təşkilatları, onların aktivlərini və media resurslarını bağlamalı və yenidən açılmasının qarşısını almalıdırlar. Bundan əlavə, Ankara Stokholm və Helsinkidən müdafiə sənayesi məhsullarına qoyulan embarqonu ləğv etməyi və terrorçularla əlaqəsi olan şəxslərin ekstradisiyasını tələb edir. Türkiyə hökuməti həmçinin ölkələrin kəşfiyyat xidmətləri arasında terrora qarşı mübarizədə əməkdaşlığın qurulmasını təklif edib.

Qeyd edək ki, Türkiyə Prezidenti Rəcəb Tayyib Ərdoğan əvvəllər dəfələrlə bəyan edib ki, Stokholm və Helsinki terror təşkilatlarına, xüsusən də Ankaranın terror təşkilatlarına aid etdiyi PKK-ya, Qondarma Suriya Milli Özünümüdafiə Qüvvələri və Türkiyə hakimiyyətinin 2016-cı ildə çevrilişin hazırlanmasında əli olmaqda ittiham etdiyi FETÖ-yə münasibətini müəyyən edənə qədər Ankara İsveç və Finlandiyanın Şimali Atlantika Alyansına qəbulunu dəstəkləməyəcək.