Bir oliqarxın istəyinə görə Mixeil Saakaşvilini öldürürlər - Polşanın vitse-spikeri

 13:59 19.06.2022     303

"Bir nəfər oliqarxın istəyi əsasında sabiq prezident Mixeil Saakaşvili bütün dünyanın gözü qarşısında ölür".

Redaktor.az xəbər verir ki, bu barədə Gürcüstanda səfərdə olan Polşa Seyminin vitse-sədri Malqorzat Qoşievska bildirib.

Polşa rəsmisinin sözlərinə görə, həbsdə saxlanılan sabiq prezidenti ziyarət etmək istəsə də, ona icazə verilməyib. O, əlavə edib ki, Avropa Parlamnetinin Bidzina İvanişviliyə qarşı sanksiyalar tətbiq edilməsi barədə çağırışlarını sonunadək dəstəkləyir:

"Dünən müxalifət partiyalarının nümayəndələri ilə görüşdüm. Onların hər biri Gürcüstana namizəd statusunun verilməsini tam şəkildə dəstəkləyir. Bəyan etmək istəyirəm ki, bir oliqarxın təvazökarlığı, nifrət dili və Rusiya yönümlü əhval-ruhiyyəsinə görə bütün xalqı cəzalandırmaq olmaz. Buna görə də Avropa Parlamentinin Bidzina İvanişviliyə qarşı sanksiyalar tətbiq edilməsinə çağırış barəsindəki qətnaməsini tam şəkildə dəstəkləyirəm.

Beynəlxalq həkimlərdən ibarət qrupun Mixeil Saakaşvilinin yanına buraxılmaması, onun müalicə üçün aparılmaması tamamilə barbar bir davranışdır. Polşa beynəlxalq platformlarda bir neçə dəfə Saakaşvilini qəbul etməyə razılığını və hazır olduğunu bildirib. Bir nəfər oliqarxın istəyi əsasında sabiq prezident bütün dünyanın gözü qarşısında ölür".

Polşa rəsmisi deyib ki, hakimiyyət Saakaşvilinin müalicə olunmasına icazə vermir, bunun arxasında Rusiya ilə əlaqələri yaxşı bilinən oliqarx Bidzina İvanişvili dayanır.