“Rusiyaya aid aktivlər kütləvi şəkildə müsadirə ediləcək” - Ukraynanın ədliyyə naziri

 21:14 20.06.2022     154

“Ukrayna hakimiyyəti yayın sonunda Rusiya ilə əlaqələri olan şəxslərin əmlakını və aktivlərini kütləvi şəkildə müsadirə edəcək”.

Redaktor.az TASS-a istinadən xəbər verir ki, bunu Ukraynanın ədliyyə naziri Denis Malyuska bildirib.

Onun sözlərinə görə, söhbət Rusiya ilə əməkdaşlıq etməkdə şübhəli bilinən rusiyalıların və ukraynalıların əmlakının müsadirəsindən gedir.

D.Malyuska deyib ki, hazırda heç bir əmlak müsadirə edilməyib, çünki Ukrayna Milli Təhlükəsizlik və Müdafiə Şurasının sanksiyalarla bağlı yeni qərarlarına ehtiyac var.