ABŞ polisi ukraynalılara göndərmək üçün əhalidən silah alır - FOTO
Mayami Polis İdarəsi “Ukrayna üçün silah” proqramını həyata keçirib - cəbhədəki ukraynalılara göndərmək üçün şəhər əhalisindən odlu silahları satın alıb.
Redaktor.az xəbər verir ki, tapançalar üçün 50 dollar, ov tüfəngləri üçün 100 dollar və AK-47 və ya AR-15 kimi tüfənglər üçün 150 dollar ödənilib.
“Odlu silahlarınızı təhvil vermək üçün hələ də gec deyil, heç bir sual verilmir! Silahların alınması Mayami şəhər meriyasında həyata keçirilir”, - deyə Mayami Polis İdarəsi “Twitter”də #SupportUkraine və #GunBuyBack heşteqlərini əlavə edərək yazıb.
Mayami polis rəisi Manuel Moralesin sözlərinə görə, bu yolla 68 silah toplanıb, amma “onlardan yalnız bir neçəsi Ukraynadakı dostlarımıza göndərmək üçün uyğundur”.
Bizi Telegram-da izləyin...
