Azərbaycan diasporu fəalları Ukrayna ordusu üçün qan verdi - FOTO
Ukrayna Azərbaycanlıları Birləşmiş Diasporunun (UABD) sədri Hikmət Cavadov başda olmaqla təşkilatın rəhbər heyəti Ukrayna ordusu üçün qan veriblər.
H.Cavadov Redaktor.az-a bildirib ki, tədbir Kiyev Şəhər Donorluq Mərkəzində keçirilib.
Onun sözlərinə görə, sözügedən aksiyaya UABD-nin Ukraynanın digər vilayətlərində fəaliyyət göstərən nümayəndəliklərinin üzvləri də qoşulacaqlar.
“Biz Ukraynaya hərtərəfli kömək edir, Ukrayna xalqının bir hissəsi olduğumuzu əməli işlərimizlə sübuta yetiririk”, – deyə UABD rəhbəri vurğulayıb.
Xatırladaq ki, Azərbaycan diaspor fəalları Ukrayna ordusuna, habelə müharibədən əziyyət çəkən dinc əhaliyə maddi yardımlar göstərir. Bununla yanaşı ölkənin bir çox azərbaycanlı vətəndaşları silaha sarılaraq vətənləri Ukraynanın müdafiəsinə qalxıb.
Bizi Telegram-da izləyin...
