Ruslar Xarkovu atəşə tutdu - Ölən və yaralananlar var

 12:43 01.07.2022     156

Xarkov vilayətində rus qoşunlarının atəşə tutmasından sonra 4 nəfər həlak olub, 5 nəfər yaralanıb.

Redaktor.az "ukrinform"a istinadla xəbər verir ki, bu barədə Xarkov vilayəti administrasiyasının rəhbəri Oleq Siniqubov Teleqramda məlumat verib.

“İzyum bölgəsi atəşə tutulduqdan sonra 3 nəfər həlak olub, daha 2 nəfər xəsarət alıb. Çuguivski rayonu yaxınlığında 1 nəfər həlak olub, 1 nəfər yaralanıbb. 1 nəfər Xarkovda, 1 nəfər isə Xarkov vilayətində xəstəxanaya yerləşdirilib", - o, bildirib.

Oleq Siniqubov qeyd edib ki, Xarkov vilayətinin ərazisində aktiv döyüşlər gedir:

“Xarkovda düşmən birbaşa olaraq işğal olunmuş əraziləri müdafiə edir. İzyum bölgəsində işğalçılar yenidən toplaşır və birbaşa Slovyanska irəliləməyə davam etmək üçün mövqelərini yaxşılaşdırmağa çalışırlar. Döyüşçülərimiz, istər düşmənin hücuma rəhbərlik etmək cəhdlərinə, istərsə də işğalçıları dəf etməyə, qələbələr qazanmağa hazırdır".

T.İSMAYIL