ABŞ nə qədər lazımdırsa, Ukraynanı dəstəkləyəcək - General Milli

Amerika Birləşmiş Ştatları Ukraynaya nə qədər vaxt lazımdırsa, onu dəstəkləyəcək.

Redaktor.az xəbər verir ki, bu barədə Ukrayna Silahlı Qüvvələrinin Ali Baş Komandanı Valeri Zalujnı, ABŞ-ın Birləşmiş Qərargah Rəisləri Komitəsinin sədri, general Mark Millli ilə bugünkü telefon danışığında bildirilib.

Zalujnı Facebook-da bildirib ki, söhbət zamanı Ukrayna Müdafiə Qüvvələrinin strateji vəzifələrinin icrası müzakirə olunub, bunlardan başlıcası Ukrayna torpaqlarının beynəlxalq səviyyədə tanınmış sərhədlər daxilində azad edilməsidir.

"Müdafiə və əks-hücum əməliyyatlarımızın uğurunun vacib şərti müvafiq maddi-texniki resursların təmin edilməsidir. Biz göstərilən köməyə görə minnətdarıq və tərəfdaşlarımızdan gələcək yardımı səbirsizliklə gözləyirik",- deyə ordu komandanı bildirib.

Zalujnı onu da qeyd edib ki, Milley ABŞ prezidenti Co Bayden və müdafiə naziri Lloyd Ostinin "ABŞ lazım olduğu müddətdə Ukraynanı dəstəkləyəcək” vədlərini çatdırıb.

İLTİFAT