Rusiyanın 11 hava limanına uçuşların dayandırılması bu tarixədək uzadıldı
Rusiyanın cənub və mərkəzi hissəsindəki 11 hava limanına uçuşların dayandırılması iyulun 18-dək uzadılıb.
Redaktor.az xəbər verir ki, bu barədə TASS informasiya agentliyi məlumat yayıb.
“Rusiyanın cənub və mərkəzi hissəsindəki 11 hava limanına uçuşların dayandırılması 2022-ci il iyulun 18-dək uzadılıb”, - aviasiya nəzarəti qurumunun bəyanatında deyilir.
Rusiya aviasiya nəzarəti orqanının qeyd etdiyi kimi, dayandırılan hava limanlarının siyahısına Anapa, Belqorod, Bryansk, Voronej, Gelendjik, Krasnodar, Kursk, Lipetsk, Rostov-na-Donu, Simferopol və Elista daxildir.
Qeyd edək ki, Rusiya 2022-ci il fevralın 24-dən Ukraynada keçirilən "xüsusi hərbi əməliyyat"dan sonra bəzi cənub və mərkəzi bölgələrində hava məkanını bağlayıb.
Nərmin Vüqarqızı
Bizi Telegram-da izləyin...
