Serbiya DİN rəhbəri Xorvatiya hakimiyyətini “faşist” adlandırdı

 16:55 17.07.2022     197

Xorvatiya ilə Serbiya arasında diplomatik qalmaqal yaranıb.

Serbiyanın baş naziri Ana Brnabiç bildirib ki, xorvatlar Serbiya prezidenti Aleksandr Vuçiçi Yasenovats həbs düşərgəsinin yerindəki xatirə abidəsini ziyarət etmək üçün ölkəyə buraxmayıblar. İkinci Dünya müharibəsi illərində burada minlərlə serb həlak olub.

Ana Brnabiç Xorvatiyanın bu qərarının “Avropa dəyərləri və sivilizasiya əleyhinə” olduğunu vurğulayıb.

baş verənlərdən sonra Serbiyanın daxili işlər naziri Aleksandr Vulin Xorvatiya hakimiyyətini “faşist” adlandırıb və xorvat diplomatlarına məhdudiyyətlər tətbiq edib.