Şri-Lanka hakimiyyəti fövqəladə vəziyyət elan etdi
Şri-Lankanın baş naziri vəzifəsini icra edən Ranil Vikremasinqe respublikada fövqəladə vəziyyət elan edib.
Redaktor.az TASS-a istinadən xəbər verir ki, fərmana əsasən, fövqəladə vəziyyət “ictimai təhlükəsizlik, ictimai asayişin qorunması və cəmiyyətin həyatı üçün zəruri olan təchizat və xidmətlərin dəstəklənməsi maraqları naminə” tətbiq edilib.
Xatırladaq ki, Şri-Lankada siyasi vəziyyət iyulun 9-da etirazçılar prezidentin və baş nazirin iqamətgahlarını ələ keçirdikdən sonra gərginləşib.
Kütləvi etirazlara ölkədə iqtisadi vəziyyətin sürətlə pisləşməsi səbəb olub. Şri-Lankada kəskin xarici valyuta, yanacaq, ərzaq və dərman qıtlığı yaşanır.
Qeyd edək ki, iyulun 15-də eks-prezident Qotabaya Rajapaksa ölkəni tərk edib. Ertəsi gün o, Sinqapura gəlib və rəsmi istefa ərizəsi verib.
Nərmin Vüqarqızı
Bizi Telegram-da izləyin...
