Pakistanda sel qurbanlarının sayı 300-ü keçdi - VİDEO

 13:37 26.07.2022     134

Pakistanda daşqın qurbanlarının sayı 312 nəfərə çatıb.

Redaktor.az xəbər verir ki, təbii fəlakətin nəticələri ilə bağlı sosial şəbəkələrdə kadrlar yayılıb.

Məlumata görə, aramsız yağan leysan səbəbindən bəzi əyalətlərdə həyat iflic vəziyyətə düşüb. Kəraçi sakinləri işıqların kəsilməsindən, içməli suyun olmamasından və hakimiyyət orqanlarının köməksizliyindən şikayətlənirlər.

İslamabad və Ravalpindi ərazilərini, o cümlədən beynəlxalq hava limanının bir hissəsini sel suları basıb, nəticədə uçuşlar dayandırılıb.

Pakistan hakimiyyəti daşqınlardan zərər çəkmiş əhaliyə təcili yardım göstərmək üçün silahlı qüvvələri yüksək hazırlıq vəziyyətinə salıb.