Yaponiya imperatoruna ürək çatışmazlığı diaqnozu qoyuldu

 23:00 26.07.2022     267

Yaponiyanın keçmiş imperatoru, hazırkı imperatorun atası Emeritus Akihitoya ürək çatışmazlığı diaqnozu qoyulub.

Redaktor.az xəbər verir ki, bu barədə "Reuters" agentliyi yerli rəsmilərə istinadən məlumat yayıb.

Akihitoya ürək qapağının nasazlığı səbəbindən ürək çatışmazlığı diaqnozu qoyulub və o vaxtdan bəri dərmanlarla müalicə olunur.

Məlumata görə, imperator işi və maye qəbulunu məhdudlaşdırıb. O, iyun ayında simptomlar göstərməyə başlayıb və diaqnoz bu ay qoyulub.

88 yaşlı Akihito 2019-cu ildə istefa verib və son iki əsr ərzində istefa verən ilk Yaponiya imperatoru olub.