Gürcüstanda fabrikdə zəhərlənən işçilərin sayı artır
Gürcüstanın Kobuleti şəhərində “Ajara Textile” tikiş fabrikinin xəstəxanaya yerləşdirilən əməkdaşların sayı 50-yə çatıb.
Redaktor.az xəbər verir ki, bu barədə “Acarıstan” telekanalı məlumat yayıb.
Müəssisənin üç işçisi reanimasiya şöbəsindədir.
Həkimlərin bildirdiyinə görə, pasiyentlərin hamısında eyni simptomlar – ümumi halsızlıq, başgicəllənməsi, ürək bulanması, sürətli ürək döyüntüsü müşahidə edilir.
Zəhərlənməyə nəyin səbəb olduğu hələ dəqiq bilinmir.
Fabrik rəhbərliyi müəssisə ərazisində qaz sızmasının baş verdiyini istisna edir (report).
Bizi Telegram-da izləyin...
