Malayziyanın keçmiş hökumət başçısı həbs ediləcək
Malayziyanın keçmiş baş naziri Nəcib Razak milyardlarla dollarlıq yeyintiyə görə həbs olunacaq. Kuala-Lumpur məhkəməsi onun son apellyasiya müraciətini rədd edib.
Redaktor.az xəbər verir ki, keçmiş hökumət başçısı çirkli pulların yuyulması, vəzifə səlahiyyətlərindən sui-istifadə və digər ittihamlarda təqsirli bilinib.
2009-2018-ci illərdə Malayziyanın baş naziri olmuş Razakı 12 il müddətinə azadlıqdan məhrumetmə gözləyir.
Qeyd edək ki, ittihamlar keçmiş Suveren Sərvət Fondu ilə bağlı olub. Prokurorluğun iddiasına görə, o və müttəfiqləri bu fonddan zəngin həyat tərzi və seçkiqabağı təbliğat üçün şəxsi kassaları kimi istifadə ediblər.
Razak həmçinin 210 milyon Malayziya ringgiti (46,94 milyon dollar) məbləğində cərimələnib.
Bizi Telegram-da izləyin...
