Latviyanın Pravoslav Kilsəsi Moskva Patriarxlığından ayrıldı

 19:52 08.09.2022     138

Latviya Seymi Latviya Pravoslav Kilsəsinin Moskva Patriarxlığının hakimiyyəti altından çıxması haqqında qanun layihəsini təsdiqləyib.

“Report” xəbər verir ki, bu barədə “Delfi” agentliyi məlumat yayıb.

Bildirilib ki, ölkə prezidenti Egils Levitsin təqdim etdiyi qanuna təcili surətdə baxılıb.

Seymin İnsan Hüquqları və İctimai Əlaqələr Komissiyasının sədri Artuss Kayminş qeyd etdiyi kimi, bu qanun Latviya Pravoslav Kilsəsinin “tarixi müstəqilliyini təmin edəcək”.