Rusiyada deputatlar Putinin istefasını tələb edən bəyanat İMZALADILAR
Moskva və Sankt-Peterburqun 18 rayonundan olan bələdiyyə deputatları Rusiya Prezidenti Vladimir Putinin istefasını tələb edən ictimai bəyanat imzalayıblar.
Redaktor.az xəbər verir ki, bəyanatı Sankt-Peterburq Bələdiyyəsinin Deputatlar Şurasının sədr müavini Kseniya Torstrem “Twitter”də yayıb.
“Biz Rusiyanın bələdiyyə deputatları hesab edirik ki, Prezident Vladimir Putinin hərəkətləri Rusiyanın və onun vətəndaşlarının gələcəyinə zərər vurur. Biz Vladimir Putinin Rusiyanın Prezidenti vəzifəsindən istefasını tələb edirik!”, – deyə bəyanatda deyilir.
Bundan əvvəl də Moskvanın “Lomonosovski” Bələdiyyəsinin Deputatlar Şurası Rusiya Prezidentinin istefasını tələb edib. Həmçinin Sankt-Peterburqun Smolninskoye Bələdiyyəsinin deputatları da Rusiya Dövlət Dumasına müraciət ünvanlayıblar.
Deputatlar Vladimir Putinin Ukraynadakı müharibəyə görə vəzifəsindən uzaqlaşdırılması və ona “dövlətə xəyanət” ittihamının irəli sürülməsininin vacibliyini vurğulayıblar.
Bizi Telegram-da izləyin...
