Polis ölən əsgələrin analarını məzarlıqda sürüdü - VİDEO
Ermənistan polisi həlak olan hərbçilərin yaxınlarını İrəvandakı Yerablur hərbi panteonunun ərazisindən zorla çıxarıb. Kadrlarda bir neçə polis məmurunun yaşlı qadını kobud şəkildə skamyadan aşağı sürüyərək maşına aparması göstərilir.
Redaktor.az xəbər verir ki, bu barədə "Sputnik Ermənistan" məlumat yayıb.
Dünən ölən hərbçilərin yaxınları baş nazir Nikol Paşinyanın Müstəqillik Gününə təsadüf edən ənənəvi səfərlə ora daxil olmasına mane olmaq üçün bütün gecəni panteonda növbə çəkmək niyyətində olduqlarını bildiriblər.
Valideynlərin qəzəbinə baş nazirin kinli və yersiz hesab etdikləri bəzi açıqlamalar səbəb olub. Nəticədə, baş nazir buna baxmayaraq, panteonun ərazisinə sərbəst daxil ola bilib.
Sentyabrın 21-də Ermənistanda Müstəqillik Günü qeyd olunur. Həmin gün üçün "Çağımızın qəhrəmanı” mükafatlandırma mərasimi təyin edilsə də, qeyri-müəyyən müddətə təxirə salınıb. Bu il üçün başqa tədbirlər nəzərdə tutulmayıb.
Bizi Telegram-da izləyin...
