“Rusiya nüvə müharibəsində qalib gələ bilməyəcək” - NATO-nun baş katibi

 19:06 21.09.2022     177

“NATO Rusiya tərəfi ilə təmasdadır və onun fəaliyyətlərini diqqətlə izləyirik”.

Redaktor.az “TASS”a istinadən xəbər verir ki, bunu NATO-nun Baş katibi Yens Stoltenberq deyib.

“Biz hələ ki Rusiyanın nüvə strategiyasında və onun qüvvələrinin hazırlığında hər hansı dəyişiklik müşahidə etməmişik. Lakin vəziyyəti diqqətlə izləməyə davam edirik və ayıq-sayıqlığımızı saxlayırıq”, - deyə Stoltenberq bildirib.

Baş katib, həmçinin qeyd edib ki, Rusiya nüvə müharibəsində qalib gələ bilməyəcək və Moskva tərəfindən nüvə silahından istifadə olunması onun üçün görünməmiş nəticələrə gətirib çıxaracaq.