Ruslar Nikolayevə S-300 raketləri atdılar, ölən var
Gecə saatlarında rus işğalçıları Ukraynanın Nikolayev şəhərinə S-300 raketləri atıblar, iki mərtəbəli evin dağıntıları altından kişi cəsədi tapılıb.
Redaktor.az UNİAN-a istinadla xəbər verir ki, bu barədə öz Teleqramında Nikolayev vilayət hərbi administrasiyasının sədri Vitali Kim bildirib.
"Gecə Nikolayev yenidən S-300 raketləri ilə atəşə tutulub. İki mərtəbəli evdə zərbə olub. Dağıntılar altından kişi cəsədi tapılıb, xilasetmə və axtarış tədbirləri davam etdirilir".
Kim həmçinin qeyd edib ki, saat 06:20-yə olan məlumata görə, şəhərdə elektrik enerjisinin verilişi bərpa olunub.
O, həmçinin bildirib ki, düşmənin hücumu nəticəsində gül bazarı dağıdılıb. Ölən və yaralananlar olmayıb.
Turan İSMAYIL
Bizi Telegram-da izləyin...
