"İnsanlara kömək etmək istədim, lakin bu, uğursuz oldu" - Baş nazir üzr istədi
Böyük Britaniyanın Baş naziri Liz Trass ölkənin valyutasını çökdürən, maliyyə bazarlarını qarışdıran, maliyyə nazirini və ən yaxın siyasi müttəfiqini işdən çıxarmasına səbəb olan mübahisəli mini-büdcəsinə görə üzr istəyib.
Redaktor.az CNN-ə istinadən xəbər verir ki, Liz Trass sentyabrın sonunda mini-büdcə açıqlanandan bəri hökuməti investorlar və partiya üzvləri tərəfindən böyük təzyiq altında olmasına baxmayaraq, Mühafizəkarlar Partiyasını növbəti ümumi seçkilərə aparacağını təkid edib. İngilis funtunun isə dollara nisbətdə onilliklər ərzində ən aşağı səviyyəyə enməsi müşahidə olunub.
“Mən məsuliyyətimi qəbul edir və buraxılmış səhvlərə görə üzr istəyirəm. Yüksək vergi problemi ilə başa çıxmaq üçün enerji borcları olan insanlara kömək etmək istədim, lakin bu, uğursuz oldu. İqtisadi sabitliyi bərpa etmək üçün yeni strategiya ilə naziri təyin etdim",-deyə baş nazir qeyd edib.
Əldə olunan məlumata görə, Trass xəzinə nazirini Ceremi Hantla əvəz edib.
2023-cü ilin aprel ayından etibarən gəlir vergisinin əsas dərəcəsinə təklif edilən azalma qeyri-müəyyən müddətə təxirə salınıb. Britaniya hökuməti bu qış da ev təsərrüfatları və müəssisələr üçün enerji qiymətlərinə hələ də zəmanət verəcəyini söyləsə də, gələn yazdan sonra qiymətləri məhdudlaşdırmağı öhdəsinə götürməyəcək.
“Biz əmin olmalıyıq ki, bizdə iqtisadi sabitlik var və bu, baş nazir kimi mənim prioritetim olmalıdır. Mən milli maraqlardan çıxış etmişəm. Vizyona sadiq qalıram, lakin biz bunu fərqli bir şəkildə çatdırmalı olacağıq ",-deyə Liz Trass vurğulayıb.
Baş nazir hələ də sentyabrın əvvəlində Mühafizəkarlar Partiyasının liderliyini qazanmaq üçün kampaniya apardığı "yüksək artım, aşağı vergi" düsturuna inandığını deyib, lakin Böyük Britaniyanın hazırda çox çətin şərtlərlə üzləşdiyini etiraf edib.
Trass onu da əlavə edib ki, dostu Kvartengi maliyyə naziri vəzifəsindən çıxarmaq onun üçün ağrılı idi, lakin qərarının arxasında olduğunu söyləyib. O, həmçinin səhvlərinə görə partiyasının millət vəkillərindən də üzr istəyib, lakin irəliləyəcəyini və diqqətini Böyük Britaniyanın inkişafına yönəldəcəyini vurğulayıb.
Həmidə İbrahimova
Bizi Telegram-da izləyin...
