Ukraynanın işğalına rəhbərlik edən 5 generaldan 4-ü işdən ÇIXARILIB
"2022-ci ilin fevralından Ukraynanın tammiqyaslı işğalına bilavasitə rəhbərlik edən beş rus generaldan dördü indi işdən çıxarılıb. Lakin onların dəyişdirilməsi indiyədək Rusiyanın hərbi əməliyyatlarını təkmilləşdirmək üçün az iş görüb".
Redaktor.az "unian.net"ə istinadla xəbər verir ki, bu barədə Britaniya Müdafiə Nazirliyinin kəşfiyyat məlumatlarında bildirilib.
"Komandirliyin davamlılığının olmaması, ehtimal ki, Qərb ordusuna nisbətən daha zərərlidir, çünki Rusiya doktrinasına uyğun olaraq, planların hazırlanması daha geniş bir qərargahın kollektiv işi kimi deyil, əsasən şəxsən komandirdən asılıdır" - hesabatda deyilir.
Həmçinin Britaniya kəşfiyyatı bildirir ki, Rusiya ordusunda yeni səfərbər olunmuş ehtiyatda olan əsgərləri təşkil etmək və onlara rəhbərlik etmək üçün kiçik zabit çatışmazlığı var. Aşağı səviyyəli rəhbərliyin zəif olması, çox güman ki, Rusiya qüvvələrinin bir çox hissələrində onsuz da aşağı əhval-ruhiyyəni və birləşmə birliyini daha da gücləndirir.
"Şahidlərin ifadələri göstərir ki, 2022-ci il oktyabrın 15-də bir həmkarı Belqorod yaxınlığında zabit milli azlıqlardan olan əsgərləri təhqir etdikdən sonra 11 rus əsgərini güllələyib", - kəşfiyyat agentliyi xatırladıb.
Turan ASLAN
Bizi Telegram-da izləyin...
