Miqrantlar Britaniyada iğtişaş törətdi

 10:25 06.11.2022     187

Miqrantlar Böyük Britaniyada genişmiqyaslı iğtişaşlara imza atıblar.

Redaktor.az xəbər verir ki, Hitrou yaxınlığındakı Harmondsvort kəndində yerləşən müvəqqəti saxlama məntəqəsində miqrantlar iğtişaş törədiblər.

Hadisəyə səbəb bir gün əvvəl, noyabrın 4-də mərkəzdə yaranan problemlər olub. Məlumata görə, düşərgədə elektrik enerjisi və su təchizatı kəsilib. Problemi gün ərzində aradan qaldırmaq mümkün olmayıb.

Bunu əsas gətirən bıçaqla silahlanmış 100-ə yaxın miqrant mərkəzin heyətinə hücum edib. Əməkdaşlar hadisə yerinə polis çağırıblar.