İstanbuldakı terroru törədən qadının fotosu yayıldı - YENİLƏNİB
İstanbuldakı terror aktını PKK-nın törətdiyi iddia olunur.
Redaktor.az xəbər veriir ki, bu barədə Zəfər Partiyası başqan yardımçısı Adem Taşkaya məlumat verib.
Onun sözlərinə görə, “Taksimdəki partlayışı edən Jiyan Tosun adında PKK-lı kürd terrorçudur”.
İstanbulun mərkəzində baş verən partlayışda şübhəli bilinən qadının fotosunu yayılıb.
Redaktor.az TRT-yə istinadla xəbər verir ki, jurnalistlərin sözlərinə görə, bu qadın çiynindəki çantanı İstiqlal küçəsində qoyaraq ərazidən uzaqlaşıb.
Sonradan məhz həmin yerdə partlayış baş verib.
Türkiyənin vitse-prezident Fuat Oktay da terror aktının qadın tərəfindən törədildiyini etiraf edib:
“Belə görünür ki, qadın hesab etdiyimiz terrorçunun bombanı partlatması nəticəsində terror aktı olub. 6 nəfəri itirmişik, onlardan 4-ü hadisə yerində həlak olub. 81 yaralımız var, onlardan 2-sinin vəziyyəti ağırdır”, - deyə o, bildirib.
Qeyd edək ki, hazırda Fuat Oktayla yanaşı, daxili işlər naziri Süleyman Soylu və ədliyyə naziri Bəkir Bozdağ da hadisə yerindədirlər.
Tunar Altunbay
Bizi Telegram-da izləyin...
