Zelenski Ukraynaya atılan raketlərin sayını açıqladı

 22:05 20.11.2022     131

Müharibənin başlanğıcından Rusiya Ukraynaya 4 700 raket atıb.

Redaktor.az xəbər verir ki, bu barədə Ukrayna Prezidenti Volodimir Zelenski Frankofoniya ölkələrinin beynəlxalq təşkilatının iştirakçılarına videomüraciətində deyib.

Dövlət başçısı videomüraciətində müharibəni dayandırmağa çağırış edib və Ukraynanın “sülh formulu”ndan danışıb:

“Yüzlərlə şəhərimiz sadəcə olaraq yandırılıb. Minlərlə insan ölüb. Yüz minlərlə insan Rusiyaya zorla deportasiya edilib. Milyonlarla insan müharibədən qaçmaq üçün Ukraynadan başqa ölkələrə gedib. Biz bunu dayandırmalıyıq. Biz Rusiyanın təcavüzünü dayandırmalıyıq. Sülhün qayıtması mümkündür. Amma o zaman mümkündür ki, dünyada hamı heç kimin bir gün də terrora layiq olmadığını başa düşsün”.