Tokayev parlament seçkiləri haqqında fərman imzalayacaq
Qazaxıstan prezidenti Kasım-Jomart Tokayev dövlət başçısı kimi andiçmə mərasimində şənbə günü Senat (parlamentin yuxarı palatası) deputatlarının növbəti seçkilərinin keçirilməsi haqqında fərman imzalayacağını bildirib.
Redaktor.az TASS-a istinadla xəbər verir ki, Tokayev andiçmədən sonra onun ilk fərmanın kənd təsərrüfatının inkişaf planına aid olacağını deyib.
"Biz sistemli siyasi modernləşmə prosesini davam etdirəcəyik. Bu gün mən "Qazaxıstan Respublikası Parlamenti Senatının deputatlarının seçkilərinin təyin edilməsi haqqında" sərəncam imzalayacağam. Beləliklə, yuxarı palata deputatlarının növbəti seçkiləri keçiriləcək və konstitusiya islahatının praktiki həyata keçirilməsini davam etdirəcək. Onların nəticələrinə əsasən rəqabət və aşkarlıq prinsipləri Senatın deputatları seçiləcək”, - deyə Tokayev bildirib.
O qeyd edib ki, dövlət quruculuğunda hakimiyyət “güclü prezident – nüfuzlu parlament – hesabatlı hökumət” formuluna aydın şəkildə əməl edəcək.
"Prezident seçkiləri bütün əsas hakimiyyətin institutlarının ardıcıl şəkildə yenidən qurulması prosesinə start verdi. Onlar böyük seçki tsiklinin ilk mərhələsi oldu", - dövlət başçısı vurğulatıb.
Qeyd edək ki, noyabrın 20-də Qazaxıstanda növbədənkənar prezident seçkiləri keçirilib. Hazırkı prezident Tokayev səslərin 81,31 faizini qazanaraq qalib gəlib. Onun səlahiyyət müddəti 7 il olacaq və o, artıq növbəti dəfə dövlət başçısı vəzifəsinə seçilə bilməyəcək.
Sentyabrın 17-də respublika lideri konstitusiyaya dəyişiklik edilməsi haqqında qanunu imzalayıb, prezidentlik müddətini təkrar seçilmək hüququ olmadan 7 ilə məhdudlaşdırıb.
Tunar Altunbay
Bizi Telegram-da izləyin...
