Almaniyanın İrandakı səfiri XİN-ə çağırıldı

 12:13 28.11.2022     183

İranda baş verən etirazlarla bağlı rəsmi Berlinin təşəbbüsü ilə BMT İnsan Haqları Şurasının (UNHRC) iclasının keçirilməsi ilə əlaqədar Almaniyanın Tehrandakı səfiri Xarici İşlər Nazirliyinə çağırılıb.

Redaktor.az xəbər verir ki, bu barədə İSNA agentliyi məlumat yayıb.

İclasın nəticəsi olaraq İranda etirazçılara qarşı ən azı 300 nəfərin ölümü ilə nəticələnən zorakılıqlarla bağlı faktaraşdırıcı komissiya yaradılıb.

Xatırladaq ki, daha əvvəl BMT İnsan Hüquqları üzrə Ali Komissarlığı İranda etiraz aksiyaları zamanı insan hüquqlarının pozulması hallarını araşdırmaq üçün beynəlxalq missiyanın yaradılması haqqında qətnamə qəbul edilib.

Belə ki, 47 iştirakçı dövlətdən 25-i sənədin lehinə səs verib, 16 dövlət isə bitərəf qalıb.

Missiyanın vəzifəsi İranda 2022-ci il sentyabrın 16-da başlayan etirazlarla bağlı insan haqlarının pozulması faktları ilə bağlı müstəqil araşdırma aparmaqdır.