Macarıstan Ukraynanın NATO iclaslarında iştirakına veto qoydu
Macarıstan NATO Komissiyasının işlasında Ukraynanın iştirakını əngəlləyib.
Redaktor.az "Financial Times"a istinadən xəbər verir ki, buna görə xarici işlər naziri Dmitri Kuleba NATO ölkələrinin XİN rəhbərlərinin keçirilən rəsmi görüşündə iştirak edəcək.
Noyabrın 29-30-da NATO ölkələrinin xarici işlər nazirləri Rumıniyada görüşəcək. Burada digər məsələlərlə yanaşı, Rusiyanın təcavüzünə qarşı mübarizədə Ukraynaya gələcək dəstəyi müzakirə edəcəklər.
Bununla belə, Macarıstan Kulebanın rəsmi sessiyada iştirakına qarşı çıxıb, ona görə də Kuleba həmkarları ilə ayrıca şam yeməyində görüşməli olub.
Vəziyyəti şərh edən Ukrayna Xarici İşlər Nazirliyi Macarıstanın vetosundan yan keçməyə imkan verəcək xüsusi formatın tapılmasını zəruri hesab edir.
Nazirlik qeyd edib ki, departament rəhbəri Alyansın baş katibinin xüsusi təşkil etdiyi ayrıca iclas çərçivəsində NATO nazirləri ilə danışıqlar aparacaq.
"Bildiyiniz kimi, Macarıstan 2017-ci ildən NATO-Ukrayna Komissiyasının səfirlər səviyyəsindən yuxarı iclaslarına mane olur. Macarıstanın vetosunu rəsmi şəkildə aradan qaldırmaq üçün NATO-nun baş katibi Yens Stoltenberq NATO və Ukrayna xarici işlər nazirlərinin ayrıca görüşünü təşkil edəcək. Bu iclasda Dmitri Kuleba və onun xarici həmkarları Ukraynaya gələcək hərbi yardımı və enerji infrastrukturunun bərpasını müzakirə edəcəklər”, - Ukrayna Xarici İşlər Nazirliyinin sözçüsü Oleq Nikolenko bildirib.
O əlavə edib ki, Buxarestə səfəri zamanı Kuleba bir sıra ikitərəfli görüşlər də keçirəcək.
Tunar Altunbay
Bizi Telegram-da izləyin...
