Ukrayna ordusu 100 min nəfər itki verib? - AÇIQLAMA
Ukrayna Silahlı Qüvvələrinin Baş Qərargahı Avropa Komissiyasının rəhbəri Ursula fon der Leyenin Ukraynanın genişmiqyaslı müharibədə itkilərinin guya 100 min nəfər olması barədə məlumatını şərh edib.
Redaktor.az UNİAN-a istinadla xəbər verir ki, Ukrayna Silahlı Qüvvələrinin İctimaiyyətlə Əlaqələr İdarəsinin rəisi Boqdan Senikin sözlərinə görə, Baş Qərargah bu rəqəmləri təsdiq edə bilməz.
O, əlavə edib ki, Ukrayna Silahlı Qüvvələrinin itkiləri ilə bağlı məlumatlar rəsmi məlumatdır.
"Biz bu rəqəmi təsdiq edə bilmərik, vurğulayırıq ki, Ukrayna ordusunun itkiləri rəsmi məlumatdır və açıqlamanın məhdudlaşdırılması başlığı altındadır. Təcavüzkar ölkə cavabdehdir, biz yalnız Ukrayna xalqının soyqırımını təşkil edənlərin qanuni cəzalandırılmasına kömək edəcək hərəkətləri dəstəkləyə bilərik. Ukraynanın mülki və hərbi vətəndaşlarının itkisinə görə məsuliyyət daşıyanların hamısının cinayət məsuliyyətinə cəlb olunması üçün hər şey edilməlidir", - deyə Senik bildirib.
T.İSMAYIL
Bizi Telegram-da izləyin...
