Britaniya 22 rusiyalı məmura sanksiya tətbiq etdi - SİYAHI

 19:16 30.11.2022     188

Böyük Britaniya qismən səfərbərliyə dəstək verdiyi üçün 22 rusiyalı məmura sanksiya tətbiq edib.

Redaktor.az TASS-a istinadla xəbər verir ki, bu barədə çərşənbə günü Böyük Britaniya Xarici İşlər Nazirliyinin saytında yenilənmiş variantı yayılan sanksiyalar siyahısında deyilir.

Britaniya hökuməti baş nazirin müavini, Rusiya Federasiyası Sənaye və Ticarət Nazirliyinin rəhbəri Denis Manturovu, Federal Penitensiar Xidmətin direktoru Arkadi Qostev və Penitensiar Xidmətin sədri Ella Pamfilovanı qara siyahıya salıb. 

Bəyanatda qeyd edildiyi kimi, Manturova qarşı məhdudiyyətlərin tətbiqinə səbəb onun “Rusiya müdafiə sənayesinə nəzarət və səfərbər edilmiş qoşunların təchiz edilməsinə görə məsuliyyət daşıması” olub. Pamfilovadan başqa, Rostov vilayətinin seçki komissiyasının sədri Andrey Burova da sanksiyalar tətbiq edilib. Belə bir addıma haqq qazandırmaq üçün onların Donetsk və Luqansk "xalq respublikaları"nda, eləcə də Xerson və Zaporojye vilayətlərində referendumun təşkilinə görə məsuliyyəti göstərilir. Xarici İşlər Nazirliyi qeyd edib ki, Pamfilova “o vaxtdan bəri səfərbərliyə fəal dəstək verib”.

Bütün bu şəxslərin Böyük Britaniya ərazisinə girişi qadağandır, onların krallıq ərazisindəki hesabları və aktivləri, əgər varsa, dondurulacaq.

Böyük Britaniya hökuməti Rusiyanın 10 vilayətinin başçısına, eləcə də bir neçə hərbi komissarına qarşı sanksiyalar tətbiq edib. Onların adları Rusiya üçün sanksiyalar siyahısının yenilənmiş variantında yer alıb.

Sanksiyaya məruz qalanlar: Rostov vilayətinin qubernatoru Vasili Qolubev, Omsk vilayətinin qubernatoru Aleksandr Burkov, Murmansk vilayətinin qubernatoru Andrey Çibis, Belqorod vilayətinin qubernatoru Vyaçeslav Qladkov, Maqadan vilayətinin qubernatoru Sergey Nosov, Rusiya Federasiyasının Arxangelsk vilayətinin qubernatoru Aleksandr Tsibulski və Krasnodar diyarının qubernatoru Veniamin Kondratyev, İnquşetiya rəhbəri Mahmud-Əli Kalimatov, Dağıstan rəhbəri Sergey Melikov və Kalmıkiya rəhbəri Batu Xasikov. Rusiyanın beş vilayətinin hərbi komissarlarına, o cümlədən Moskvanın hərbi komissarı İqor Yeqorova qarşı da sanksiyalar tətbiq edilib.

Sanksiyaların əsaslandırılmasında deyilir ki, qubernatorlar və hərbi komissarlar Rusiya ərazisində qismən səfərbərliyin təşkilində iştirak ediblər ki, bu da “Ukraynanın ərazi bütövlüyünə, suverenliyinə və müstəqilliyinə xələl gətirməyə” yönəlmiş hərəkətlər kimi təsnif edilir. Bu şəxslərin hamısının Böyük Britaniyaya girişi qadağandır, onların Krallıqdakı hesabları və aktivləri, əgər varsa, dondurulacaq.

Turan İSMAYIL