Azərbaycan-Türkiyə-Türkmənistan zirvə görüşünün vaxtı məlum oldu
Azərbaycan Prezidenti İlham Əliyev, Türkiyə Prezidenti Rəcəb Tayyib Ərdoğan və Türkmənistan Prezidenti Sərdar Berdımuhəmmədovun iştirakı ilə üçtərəfli zirvə görüşü Türkmənistanın Avaza turizm zonasında (Türkmənbaşı şəh.) 13-14 dekabr tarixlərində keçiriləcək.
Redaktor.az xəbər verir ki, bu barədə Türkmənistan Televiziyası məlumat verib.
Bildirilib ki, Türkmənistan prezidenti tədbirlə bağlı müvafiq sərəncam imzalayıb. Tədbirin yüksək səviyyədə keçirilməsi Prezident Aparatına və XİN-ə həvalə olunub.