Putindən könüllülərə: "Buna görə sizə baş əyirəm"
"Xüsusi hərbi əməliyyat" zonasında insanlara kömək etmək üçün gedən könüllülər bütün ölkədə tanınmalı və ən yüksək mükafatlara layiq olmalıdırlar.
Redaktor.az TASS-a istinadla xəbər verir ki, bunu Rusiya Prezidenti Vladimir Putin “Biz birlikdə” mükafatlandırma mərasimində bildirib.
"Çoxlu layiqli könüllülər var. Eyni "xüsusi hərbi əməliyyat"ın başlaması ilə bir çoxunuz birbaşa, demək olar ki, cəbhə bölgəsinə, oradakı insanlara yerindəcə kömək etməyə getdiniz. Sağlamlığınızı və həyatınızı riskə ataraq, başqa insanlara kömək etdiniz. İnsanlar ürəklərinin çağırışı ilə getdilər" - dövlət başçısı deyib.
Putinin sözlərinə görə, belə insanların adlarını bütün ölkə bilməlidir. “Və təbii ki, onlar ən yüksək mükafatlara layiqdirlər”, - prezident bildirib.
Putin hərbi qulluqçulara və onların ailələrinə göstərdikləri dəstəyə görə rusiyalı könüllülərə minnətdarlığını bildirib.
“Siz Donbass və Novorossiyada insanların müdafiəsi ilə bağlı ən mühüm vəzifələri yerinə yetirən, neonasizmə qarşı mübarizəyə töhfə verən gənclərimizi dəstəkləyirsiniz.
Demək istəyirəm ki, uşaqların ailələrinə, onların valideynlərinə, arvadlarına, övladlarına göstərdiyiniz yardımlara ehtiyac var. Buna görə sizə baş əyirəm. Çox sağ olun", - prezident könüllülərə müraciət edib.
T.İSMAYIL
Bizi Telegram-da izləyin...
