Litvada bələdiyyə binaları ukraynalı qaçqınları qəbul etmək üçün hazırlandı
Ukraynadan yeni qaçqın dalğası baş verərsə, Litva 8 minə yaxın insanı qəbul etməyə hazırdır.
Redaktor.az TASS-a istinadla xəbər verir ki, bu barədə çərşənbə günü jurnalistlərə Baltik Respublikasının sosial müdafiə və əmək naziri Monika Navitskaite bildirib.
“Əgər qaçqınların kütləvi gəlişi başlayarsa, biz indi 6000-dən 8000-ə qədər insanı qəbul etməyə hazırıq".
Onun sözlərinə görə, bələdiyyələrin istifadə etmədiyi binalar insanların yerləşdirilməsi üçün hazırlanıb. Əsasən bunlar əyalətdə əvvəllər bağlanan məktəblərdir və müxtəlif mərkəzlər fəaliyyətini dayandırıb.
Nazirin qeyd etdiyi kimi, kritik vəziyyət yaranarsa, Litva daha çox sayda qaçqını yerləşdirmək üçün böyük idman və əyləncə mərkəzlərindən istifadə edə bilər. "Fövqəladə hallarda biz orada 30 min nəfəri yerləşdirə bilərik, baxmayaraq ki, yaşayış şəraiti o qədər də rahat olmayacaq", - Navitskaite bildirib.
Qeyd edək ki, Baltik Respublikasının statistika idarəsinin məlumatına görə, Litva 71,4 min ukraynalı qaçqını qəbul edib. Vilnüsdə deyirlər ki, ölkə əhalisinin sayına (təxminən 2,8 milyon) münasibətdə qəbul edilən qaçqınların sayına görə Litva Aİ üzvləri arasında liderlərdən biridir.
Turan İSMAYIL
Bizi Telegram-da izləyin...
