"Kosovo ilə müharibənin astanasındayıq" - Serbiyanın baş naziri
Serbiyanın baş naziri Ana Brnabiç hesab edir ki, Kosovonun baş naziri Albin Kurti və Avropa İttifaqının (Aİ) fəaliyyətsizliyi serbləri və albanları müharibəyə yaxın vəziyyətə gətirib.
Redaktor.az "Kommersant"a istinadla bildirir ki, o, bu barədə Belqradda keçirdiyi mətbuat konfransında bildirib.
“Albin Kurti hamımızı, serbləri və albanları müharibənin astanasına gətirdi, lakin o, bunu tək etmədi. Biz tərəfdaşların və Avropa İttifaqının tamamilə axmaq davranışlarını müşahidə edirik”,- Brnabiç deyib.
O, Aİ-nin Kosovo EULEX xüsusi missiyasının, eləcə də NATO-nun Kosovoda sabitliyə cavabdeh olan beynəlxalq qüvvələrinin, KFOR-un fəaliyyətsizliyini günahlandırıb.
"Onlar Kosovo və Metohiyadakı serbləri qorumurlar", - baş nazir bildirib.
Qeyd edək ki, dünən, 200-dən 300-dək Kosovo xüsusi təyinatlısının serblərin məskunlaşdığı Kosovska Mitrovitsa şəhərinə gəldiyini və daha şimala, Bosnjacka Mahala bölgəsinə doğru hərəkət edib.
Kosovo polisi bəyan edib ki, onlar bütün vətəndaşların təhlükəsizliyini təmin etmək üçün respublikanın şimal hissəsində zabitlərin sayını artırmaq qərarına gəliblər.
Serbiya və Kosovo hakimiyyətləri arasında Brüsseldə bağlanmış razılaşmalara əsasən, Kosovo polisinin dörd Serb bələdiyyəsinin rəhbərinin icazəsi olmadan serblərin yaşadığı ərazilərə daxil olmaq hüququ yoxdur.
Bu gün, dekabrın 9-da Serbiya hökuməti yanında Kosovo və Metoxiya üzrə ofisin rəhbəri Petar Petkoviç Kosovo ərazisinə 1000 təhlükəsizlik qüvvəsi göndərməklə hədələyib.
Tunar Altunbay
Bizi Telegram-da izləyin...
