Türkiyəyə getmək istəyən turistlərin nəzərinə! - Hoteldə qalmağa görə vergi ödəyəcəksiniz
Türkiyədə 2023-cü il yanvarın 1-dən hotel, mehmanxana, qonaq evləri və turistlərin yerləşdiyi digər məkanlarda qalmağa görə 2 faiz həcmində əlavə vergi tutulacaq.
Redaktor.az-ın məlumatına görə, bununla bağlı müvafiq sənəd “Resmi Gazete”də dərc olunub.
Sözügedən verginin turizm agentlikləri tərəfindən turlara daxil edilə biləcəyi də istisna edilmir.
Bununla belə, yataqxana, pansionat və düşərgələrdə yaşayan təhsil alanlar və tələbələr həmin vergidən azad olunacaqlar.
Bununla yanaşı, Türkiyədə akkreditə olunmuş diplomatik nümayəndəliklərin və beynəlxalq təşkilatların diplomatik statusa malik nümayəndələri bu vergini ödəməyəcəklər.
Qeyd edək ki, Türkiyə rəhbərliyi yaşayış vergisinin tətbiq edilməsi barədə qərarı 2019-cu ildə versə də, koronavirus pandemiyası səbəbindən qərarın həyata keçirilməsi təxirə salınıb.
Bizi Telegram-da izləyin...
