Çin Tayvana 71 təyyarə yolladı
Bu gün 71 Çin Hərbi Hava Qüvvələrinə məxsus təyyarə Tayvanın hava hücumundan müdafiə zonasına daxil olub.
Redaktor.az "Reuters"ə istinadən xəbər verir ki, bu barədə Tayvan Müdafiə Nazirliyi məlumat yayıb.
Nazirliyin məlumatında o da deyilir ki, 43 təyyarə Tayvan Boğazını keçərək iki tərəf arasında qeyri-rəsmi bufer əraziyə daxil olub.
Həmçinin Çin Xalq Azadlıq Ordusunun 7 gəmisi Tayvan boğazına daxil olub.
Xatırladaq ki, Çin və ABŞ arasında münasibətlər ABŞ Konqresinin spikeri Nensi Pelosinin avqustun 2-də Çinin öz ərazisi hesab etdiyi Tayvan adasına səfərindən sonra kəskinləşib.
Çin Xalq Respublikasının sədri Si Cinpin ABŞ Prezidenti Cozef Bayden ilə noyabr ayında baş tutmuş görüşündə Tayvan məsələsinin ölkəsi üçün “qırmızı xətt” olduğunu bəyan edib.
Tayvanın rəsmi Mərkəzi Xəbər Agentliyi, son illərdə Çin təzyiqinin davamlı olaraq artdığına şahidlik edən adada həyəcan təbili olmasa da,bu günə qədər Çin hava qüvvələrinin ən böyük hücumu olduğunu deyib.
Tayvanı öz ərazisi hesab edən Çin, demokratik yolla idarə olunan ada və ABŞ-ın təxribatı olduğunu bildirməsinə cavab olaraq bazar günü ada ətrafındakı dəniz və hava məkanında zərbə təlimləri keçirdiyini bildirib.
Çinin suverenlik iddialarını qəti şəkildə rədd edən rəsmi Taypey bildirib ki, təlimlər Pekinin regional sülhü pozduğunu və Tayvan xalqını qorxutmağa çalışdığını göstərib.
Tayvan Prezidenti Tsai In-wen ofisi bildirib ki, dövlət başçısı sabah adanın mülki müdafiə sisteminin gücləndirilməsini müzakirə etmək üçün yüksək səviyyəli milli təhlükəsizlik iclası çağıracaq, ardınca yeni mülki müdafiə tədbirləri ilə bağlı mətbuat konfransı keçirəcək.
Tunar Altunbay
Bizi Telegram-da izləyin...
