Generalın başına buz parçası düşdü - vəziyyəti ağırdır

 18:48 28.12.2022     236

Moskvanın qərbində İnitiativnaya küçəsində buz blokunun aşması nəticəsində Fövqəladə Hallar Nazirliyinin Operativ İdarəetmə Departamentinin direktoru general-leytenant Anatoli Yelizarov xəsarət alıb.

Redaktor.az news.ru-ya istinadla xəbər verir ki, hadisədən sonra generalın vəziyyətinin ağır olduğu qeyd edilir. 50 yaşlı direktor "Dixie" mağazasının yerləşdiyi binanın yanından keçərkən onun üzərinə nəhəng buz yığını çöküb.

General-leytenant xəstəxanaya yerləşdirilib, hazırda ona həkimlər baxır. Prokurorluq dam örtüyünün buzdan keyfiyyətsiz təmizlənməsinə görə məsuliyyət daşıyanları yoxlayır və axtarır.

Turan İSMAYIL