"Ukraynaya hərbi yardım sülhə aparan ən qısa yoldur" - NATO-nun baş katibi
NATO-nun Ukraynaya hərbi yardımı Kiyev və Moskva arasında tezliklə atəşkəsə nail olmağa kömək edəcək.
Redaktor.az xəbər verir ki, bunu NATO-nun baş katibi Yens Stoltenberq "dpa" xəbər agentliyinə müsahibəsində bildirib.
“Nə qədər paradoksal səslənsə də, Ukraynaya hərbi yardım sülhə aparan ən qısa yoldur", - o, deyib.
Baş katib həmçinin əlavə edib ki, Rusiya Ukrayna ilə bağlı məqsədinə çatmayacağına əmin olmalıdır və o zaman sülh danışıqları mümkün olacaq.
Qeyd edək ki, bundan əvvəl Ukrayna lideri Volodimir Zelenski Ukraynada “sülh formulunu” açıqlayıb. Onun fikrincə, hərbi əməliyyatlar dayandırılmalıdır.
Turan ASLAN
Bizi Telegram-da izləyin...
