Yaponiya G7-nin sədri kimi Rusiyaya qarşı mövqeyini AÇIQLADI
Yaponiya bu il Yeddilik Qrupunun (G7) sədri kimi Rusiyaya qarşı sanksiyaları və Ukraynanı dəstəkləyəcək.
Redaktor.az TASS-a istinadla xəbər verir ki, bu barədə cümə günü Yaponiya Nazirlər Kabinetinin baş katibi Hirokazu Matsuno mətbuat konfransında bildirib.
“Yaponiya G7-nin sədri kimi Rusiyaya qarşı sanksiyaları təşviq etmək və Ukraynaya dəstək vermək üçün beynəlxalq ictimaiyyətlə və ilk növbədə “Yeddilik” ölkələri ilə yaxından işləyəcək”, - o deyib.
Matsuno bildirib ki, Yaponiya həmçinin G7 sammitində qlobal iqtisadi problemlər, o cümlədən ərzaq və enerji təhlükəsizliyi, nüvə tərksilahı və yayılmaması, iqlim dəyişikliyi kimi məsələlərdə bu qeyri-rəsmi birliyin bərabər olduğunu təsdiq etməyi planlaşdırır.
Turan İSMAYIL
Bizi Telegram-da izləyin...
