Yaponiyada COVID-19-a yoluxanların sayı 30 milyonu ötdü
Yaponiyada COVID-19 epidemiyası başlayandan bəri qeydə alınan yoluxma halların sayı 30 milyonu ötüb.
Redaktor.az “TRT HABER”ə istinadla xəbər verir ki, Yaponiyanın Səhiyyə, Əmək və Rifah Nazirliyi ölkə daxilində COVID-19-a yoluxma və ölüm hallarının sayını yeniləyib.
Müvafiq olaraq, 2022-ci ilin sentyabrında 20 milyonu keçən epidemiya halları son 24 saat ərzində 30 milyonu keçib.
Qeyd olunur ki, 2022-ci ilin dekabr ayında Yaponiyada epidemiyadan 7688 nəfər ölüb. Bu, ən yüksək aylıq göstərici kimi qeydə alınıb.
Məlumata görə, ölkə əhalisinin təxminən 25 faizinin COVID-19-a yoluxduğu təxmin edilir.
Hazırda ölkə üzrə 659 nəfər reanimasiya şöbələrində virusdan müalicə alır.
Xatırladaq ki, Şərqi Asiya ölkəsi Yaponiyada ilk COVID-19 hadisəsi 2020-ci ilin yanvarında qeydə alınıb.
Həmidə İbrahimova
Bizi Telegram-da izləyin...
