Türkiyənin Baş Konsulluğuna hücuma görə 2 nəfər saxlanıldı

 16:31 07.01.2023     225

Türkiyənin Fransadakı Baş Konsulluğuna “Molotov kokteyli” ilə hücum edilib.

Redaktor.az Fransanın BFM TV telekanalına istinadən xəbər verir ki, hadisə Marseldə baş verib.

Türkiyə Baş Konsulluğuna hücumda şübhəli bilinən 2 şəxs saxlanılıb, daha 2 nəfərin axtarışı davam etdirilir.

Həmin şəxslərin kürd əsilli olduğu məlumdur.

Hadisənin digər təfərrüatları hələ açıqlanmayıb.

Zərərçəkənlər barədə məlumat verilməyib.